HOMEALONE NEWS

Ili kumlinda rais wa Marekani Barack Obama anayefanya ziara yake nchini India, serikali ya India imeamua kuangua nazi zote toka kwenye minazi iliyo karibu na majengo ambayo Obama atayatembelea.
Katika kujiandaa kumpokea kwa mara ya kwanza rais wa Marekani, Barack Obama, serikali ya India imeangua nazi zote toka kwenye minazi iliyopo karibu na majengo ambayo Obama atayatembelea mjini Mumbai.

Obama anawasili leo jumamosi nchini India katika hatua yake ya kwanza ya ziara zake katika bara la Asia.

Pamoja na ulinzi mkali kuwekwa kama ilivyotegemewa, maafisa wa serikali ya India wameamua pia kuchukua hatua zaidi kwa kumlinda rais huyo wa Marekani hata kwa hatari zitokenazo na mimea.

Nazi zote toka kwenye minazi yote inayolizunguka jengo la ukumbusho la Gandhi zimeangushwa chini ili kumlinda Obama.

Jengo hilo ni mojawapo ya sehemu tano ambazo Obama atazitembelea mjini Mumbai. Katika sehemu zote hizo hatua sawa za ulinzi zimechukuliwa.

"Kwanini tubahatishe?, tumewaagiza maafisa husika kuziangua nazi zote toka kwenye minazi iliyo karibu na jengo hili", alisema mkurugenzi wa jengo la Mani Bhavan ambalo Mahatma Gandhi aliishi wakati wa kupigania uhuru wa India toka kwa Uingereza.

Wiki iliyopita maafisa wa Marekani walilifanyia uchunguzi jengo la Mani Bhavan pamoja na sehemu zingine ambazo Obama atazitembelea.

Obama atazitembelea pia nchi za Indonesia, South Korea, Japan na China katika ziara yake ya siku 10 barani Asia.

source nifahamishe

Mahakama ya nchini Iran imeruhusu adhabu ya kifo inayomkabili mama wa watoto wa wawili wa nchini Iran ambaye alikamatwa akifanya mapenzi na mwanaume aliyemuua mume wake.
Pamoja na shinikizo kubwa toka nchi za Magharibi na taasisi za kutetea haki za binadamu, Sakineh Mohammadi-Ashtiani huenda akauliwa leo kwa kupigwa mawe kwa mujibu wa vyanzo vya habari.

Mwanaharakati anayemtetea Sakineh alisema kuwa wamepokea taarifa toka kwa mtu anayefanya kazi ndani ya mahakama kuwa Sakineh atauliwa siku ya jumatano.

"Tumepokea taarifa siku tatu zilizopita kuwa Sakineh atauliwa siku ya jumatano", alisema Mina Ahadi, mwanaharakati anayemtetea Sakineh wakati akiongea na shirika la habari la AFP kuhusiana na barua aliyotumiwa na mtu ambaye hakutajwa jina lake.

Mahakama ya mji wa Tabriz ambako Sakineh ametupwa jela imeruhusu adhabu ya kifo inayomkabili Sakineh itekelezwe. Kwa kawaida adhabu za kifo nchini Iran hutekelezwa siku ya jumatano.

Tangu mwezi julai mwaka huu Iran ilikuwa ikisema kuwa adhabu ya kifo kwa kupigwa mawe inayomkabili Sakineh haitafanyika mpaka baada ya kuidhinishwa na mahakama kuu.

Sakine mwenye umri wa miaka 43 ambaye ni mama wa watoto wawili, alihukumiwa adhabu ya kifo na mahakama mbili tofauti mjini Tabriz mwaka 2006.

Adhabu yake ya kwanza ilikuwa ni adhabu ya kifo kwa kunyongwa ambayo baadae ilibadilishwa kuwa kifungo cha miaka 10 jela. Adhabu hiyo ilitokana na Sakineh kutuhumiwa kushiriki kwenye mauaji ya mumewe.

Adhabu ya pili ya kifo ilikuwa ni kuuliwa kwa kupigwa mawe kwa kosa la kufanya mapenzi nje ya ndoa na mwanaume aliyekamatwa kwa mauaji ya mumewe.

source nifahamishe

Makahaba wa nchini Hispania wanaowinda wanaume pembeni ya barabara wameanza kuvaa vizibao vya njano vinavyoakisi mwanga ili waweze kuonekana vizuri.
Ili kuepuka faini ya euro 40, makahaba katika mji wa Els Alamus kaskazini mwa Hispania wameanza kufuata masharti ya serikali ya kuvaa vizibao vya njano vinavyoakisi mwanga.

Meya wa mji huo aliamuru makahaba wote wanaosimama pembeni ya barabara kuwinda wanaume wavae vizibao hivyo ili kuwafanya waonekane vizuri na hivyo kuepusha kutokea kwa ajali.

Taarifa ya meya wa mji huo ilisema kuwa baadhi ya makahaba wameanza kuvaa vizibao hivyo baada ya polisi kuanza kuwatoza faini ya euro 40 makahaba wanaosimama pembeni ya barabara kuu kuwinda wateja.

Nchini Hispania kuna jumla ya wanawake laki tatu wanaofanya biashara ya ukahaba. Mwanamke anaruhusiwa kisheria kufanya ukahaba nchini Hispania ingawa kujinufaisha kwa kuwatafutia makahaba wateja ni kinyume cha sheria.

Ni jambo la kawaida katika miji mbalimbali nchini Hispania kuwaona wanawake wanaovaa nguo fupi sana wakiwa wamesimama pembeni ya barabara wakitafuta wanaume.

Utafiti uliofanywa hivi karibuni nchini Hispania ulionyesha kuwa mwanaume mmoja kati ya wanne nchini Hispania ameishawahi kununua penzi toka kwa kahaba.

source nifahamishe

Mwanamke wa nchini Marekani ambaye alipata mimba sita nje ya ndoa bila ya mume wake kujua, aliwaua watoto wake na kuzificha maiti zao kwenye sanduku.
Michele Kalina mwenye umri wa miaka 44 mkazi wa Pennsylvania nchini Marekani, alizificha mimba sita alizozipata kwa kufanya mapenzi nje ya ndoa na aliwaua watoto wote waliotokana na mimba hizo na kuzificha maiti zao kwenye masanduku.

Matokeo ya DNA yalionyesha kuwa mifupa ya binadamu iliyokutwa kwenye sandaku lililotiwa kufuli ilikuwa ni mifupa ya watoto watano ambapo wanne kati ya watoto hao walizaliwa wakiwa hai wakati mmoja alizaliwa akiwa tayari ameishafariki.

Kalina na mumewe wa ndoa, Jeffrey walifanikiwa kupata watoto wawili, mmoja wa kike mwenye umri wa miaka 19 na mwingine wa kiume ambaye aifariki dunia mwaka 2003 akiwa na umri wa miaka 13.

Mahakama ilithibitisha kuwa watoto wanne kati ya sita Kalina alizaa na kibuzi chake nje ya ndoa.

Mume wa Kalina na binti yake waligundua mifupa ya watoto wachanga ikiwa imefichwa kwenye maboksi ndani ya sanduku mwezi wa nane mwaka huu ambapo waliripoti polisi na Kalina alitiwa mbaroni.

Mume wa Kalina aliwaambia polisi kuwa ni mara moja tu alihisi mke wake alikuwa mjamzito lakini hakuwa na uhakika.

Mwanaume aliyekuwa akijiiba na Kalina ambaye jina lake liliwekwa kapuni, aliwaambia polisi kuwa Kalina alimwambia kuwa alikuwa na uvimbe tumboni uliolifanya tumbo lake liwe kubwa na uvimbe huo ulikuwa ukimtokea mara kwa mara.

Mwanaume huyo naye alisisitiza kuwa hakugundua kama Kalina alikuwa mjamzito.

Kalina ametupwa jela akikabiliwa na makosa ya mauaji na kuficha maiti za watoto wake.

Kesi ya Kalina itaanza kusikilizwa wiki hii.

source nifahamishe

Watu 20 wamepoteza maisha yao nchini Kongo baada ya ndege waliyokuwamo kuanguka toka angani baada ya mamba aliyeingizwa kinyemela ndani ya ndege hiyo kuchoropoka na kuleta kizazaa kikubwa ndani ya ndege.
Abiria aliyetaka kumsafirisha mamba wake kinyemela kwa kumficha mamba huyo ndani ya begi na kuingia nalo ndani ya ndege amesababisha vifo vya watu 20.

Ni mtu mmoja tu kati ya watu 21 waliokuwemo ndani ya ndege huyo ndiye aliyenusurika maisha yake.

Kwa mujibu wa abiria huyo aliyeponea chupu chupu kupoteza maisha yake, mamba huyo aliyekuwa amefichwa ndani ya begi na kuingizwa kinyemela ndani ya ndege nchini Kongo alisababisha mtafaruku mkubwa ndani ya ndege na kupelekea ndege kuanguka.

Mamba huyo alichoropoka toka kwenye begi wakati ndege ndogo ya abiria iliyotengenezwa nchini Czech aina ya Let 410 ilipokuwa angani ikitoka mji wa Kinshasa kuelekea Bandundu.

Ilikuwa ni patashika nguo kuchanika wakati mamba huyo alipoanza kuranda randa ndani ya ndege na kupelekea abiria waviache viti vyao kusalimisha maisha yao.

Wahudumu wa ndani ya ndege walikimbilia ndani ya chumba cha marubani na kufuatiwa na baadhi ya abiria ambao nao waliamua kuitumia nafasi hiyo kusalimisha maisha yao.

Inasemekana kuwa ndege hiyo ilianguka toka angani kutokana na uzito ndani ya ndege kuelemea upande mmoja.

Ndege hiyo iliangukia kwenye nyumba iliyopo maili chache toka kwenye uwanja wa ndege ambao ndege hiyo ilipanga kutua.

Mamba aliyesababisha ajali hiyo alitoka salama salimini toka kwenye mabaki ya ndege hiyo lakini aliuliwa kwa kuchomwachomwa na kisu na watu waliojitokeza kuwaokoa majeruhi wa ajali hiyo.

source nifahamishe

Mahakama ya sheria za kiislamu katika falme za kiarabu UAE imeamuru kuwa ni ruhsa mwanaume kumpiga mkewe na watoto wake ili mradi hatasababisha alama za vipigo kwenye miili yao.
Hatua hiyo ya mahakama hiyo inawapa haki za kisheria wanaume kuwaadhibu wake zao na watoto wao iwapo wataenda kinyume na matakwa yao.

Hukumu hiyo ilitolewa na mmoja wa majaji wakuu wa UAE, Falah al Hajeri, ambaye alikuwa akitoa hukumu ya mwanaume aliyepigwa faini sawa na Tsh. 160,000 kwa kumpiga kibao mkewe na kumpiga teke binti yake.

Mwanaume huyo alipatikana na hatia ya kumpiga mkewe kwa nguvu sana kiasi cha kusababisha apasuke mdomo wake na kuvunjika jino lake.

Mwanaume huyo pia alimpiga mateke binti yake mwenye umri wa miaka 23 kiasi cha kupelekea apate michuko na uvimbe kwenye mguu na mkono wake.

Mwanaume huyo ambaye jina lake liliwekwa kapuni, awali alidai alimpiga mkewe na mtoto wake kwa bahati mbaya lakini alipopatikana na hatia alikata rufaa akisema kuwa hata kama alimpiga mkewe na mtoto wake kwa makusudi, anayo haki kwa mujibu wa sheria za kiislamu kutumia nguvu dhidi yao iwapo njia zingine za kuwaadabisha zitakuwa zimefeli.

Akitoa hukumu ya kesi hiyo, jaji Falah al Hajeri alisema: “Ingawa sheria zinaruhusu waume kuwapiga wake zao, lakini pia wanatakiwa wasivuke mipaka na kusawasababisha alama au makovu wake zao”.

“Kama mume atakiuka misingi ya sheria ya kumuadhibu mke au mtoto wake, basi lazima ahukumiwe kwa mujibu wa sheria”, alisema jaji Hajeri.

Jaji Hajeri alielezea kuwa njia rahisi ya kuangalia kama waume wavunja sheria ya kuwaadhibu wake zao ni kwa kuangalia alama za vipigo kwenye miili ya wake zao.

source nifahamishe

Kaka wa kufikia wa rais wa Marekani, Barack Obama anayeishi nchini Kenya, Malik Obama mwenye umri wa miaka 52 ameongeza mke wa tatu ambaye ni mwanafunzi wa sekondari mwenye umri wa miaka 19 aliyeacha shule na kukimbia kwao.
Kaka wa kufikia wa rais wa Marekani, Barack Obama anayeishi nchini Kenya, Malik Obama ambaye ana wake wawili ameongeza mke wa tatu ambaye ni mwanafunzi wa sekondari aliyekimbia masomo yake.

Mama wa msichana huyo mwenye umri wa miaka 52, alielezea hasira zake baada ya binti yake kuacha masomo ili aolewe na Malik ambaye hivi sasa ana umri wa miaka 52.

Akiongea na televisheni ya NTV ya Kenya, mama wa msichana huyo anayeitwa Mary Aoko Ouma alisema kuwa binti yake awali alijaribu kufunga ndoa na Malik miaka miwili iliyopita lakini hakumruhusu.

Akiongea na televisheni ya NTV bila ya kujua kuwa anarekodiwa, Malik alithibitisha kufunga ndoa na msichana huyo ingawa hakusema ni lini harusi yao ilifanyika.

Sheria za Kenya zinaruhusu mtu kuoa mke zaidi ya mmoja iwapo vigezo vya kidini au kitamaduni vitatumika.

source nifahamishe